Álftabyggð, Flúðum

Í hverfi Álftabyggðar á Flúðum er nýlegur heilsársbústaður í eigu FVFÍ.    Hann er 60 fermetrar, þrjú svefnherbergi, stofa, eldhús og bað. Svefnpláss fyrir 8 manns. Stór útiverönd er ásamt heitum potti, garðhúsgögnum og gasgrilli. Þetta er glæsilegur bústaður, búinn öllum nútímaþægindum. Í stofu er sjónvarp, DVD, útvarp og geislaspilari. Þá er nokkurt úrval af bókum og blöðum. Í eldhúsi er fullkomin eldavél, örbygjuofn og önnur helstu rafmagnstæki. Leiktæki eru á lóðinni.   Stutt er í ýmsa afþreyingu, t.d. er fullbúinn 18 holu golfvöllur rétt hjá bústaðnum. Á Flúðum er sundlaug, hótel, matvöruverslun, banki og pósthús. Skemmtileg dagsferð er t.d. á Gullfoss og Geysi og ekki er nema u.þ.b. hálftímaferð í Laugarás og Skálholt. Leiðbeiningar frá Flúðum. Keyrt sömu leið og að Flúða golfvellinum. Yfir brúnna eftir Skeiða- og Hrunamannavegi og þegar kemur að hringtorginu taka þá Hvítárholts afleggjarann. Bústaðurinn er þá sýnilegur fljótlega til hægri og er beygjan inn að honum merkt Álftabyggð.

Kiðárskógur 4 Húsafelli

Húsið er 70fm. að grunnfleti ásamt 20fm. svefnlofti. Gistiaðstaða er fyrir 10-12 manns. Við húsið er rúmgóð verönd með gasgrilli, garðhúsgögnum og heitum potti.   Stofan er vel búin húsmunum og er með DVD og sjónvarpi. Á neðri hæð eru tvö svefnherbergi, annað með hjónarúmi og ferðarúmi fyrir ungabörn en hitt með koju og rúmi. Á svefnlofti eru 2 rúm og 4 dýnur.   Í eldhúsi eru öll algeng eldhúsáhöld og rafmagnstæki s.s. eldavél, ofn, örbylgjuofn, ísskápur, kaffivél, samlokugrill, blandari, vöfflujárn, þeytari og brauðrist. Barnastóll er til staðar. Salerni er með sturtuaðstöðu. Í skáp milli eldhúss og baðherbergis er þvottavél.    Húsið er á fallegum stað í miðjum Húsafellsskóginum og stendur við Kiðárskóga 4. Margt áhugavert er í nágrenninu til að skoða og er öll helsta þjónusta til staðar t.d þjónustumiðstöð, sundlaug, verslun og veitingastaður.   Hægt er að fara í golf, skoða hina þekktu hella Víðgemli og Surtshelli, veiða í Norðlingafljóti, einnig eru skipulagðar ferðir á Langjökul og margt fleira í boði.   Sjá vefsíðu þjónustuaðila í Húsafelli. Sjá vefsíðu Húsafell Giljaböð

Holtaland 11, Akureyri

Í húsinu eru þrjú svefnherbergi með gistimöguleika fyrir 8 manns. Í alrými hússins er góður eldhúskrókur, borð- og setustofa. Tvær snyrtingar eru í húsinu, önnur hluti af baðaðstöðu sem tengist pottrými en hin deilir rými með þvottaherbergi inn af inngangi hússins. Í þvottarými er hægt að stilla loftræstikerfi og er mælt með að það sé notað þegar mikil notkun er t.d. á heitum potti og baðherbergi til að koma í veg fyrir rakamyndun. Heitapottrýmið er inni í húsinu en með beinu aðgengi út á suðurverönd í gegnum aðra af tveimur svalahurðum. Við veröndina er steinsteypt skjólgirðing og heim að húsinu er steinsteypt stétt, útbúin snjóbræðslukerfi.  Stór geymsla með sérinngangi er í húsinu en þar geta gestir t.d. borið á skíði sín og geymt og þurrkað ýmsan viðlegubúnað. Bílhleðslustöð er við aðalinngang en ekki er hleðslukapall á staðnum. Aukalykill fyrir húsið hangir á vegg við fatahengi í anddyri og með honum er einnig RFID lykill sem er notaður til að aflæsa bílhleðslustöð. Nespresso kaffivél er á staðnum.   Hellulögn fyrir framan og meðfram húsi er ekki hugsuð fyrir bílaumferð, en gerð er undantekning þegar bifreið er í hleðslustöð við inngang. Félagsmenn eru annars hvattir til að forðast með öllu að keyra eða leggja á hellulagða hlutanum á stéttinni fyrir framan innganginn.

Klifatangi Suðursveit, Hús nr. 1

Í Suðursveit í Austur Skaftafellssýslu eru tveir bústaðir. Leigutími er yfir sumartímann, þ.e. frá því í byrjun júní fram í september. Húsin eru notaleg, en aðeins komin til ára sinna. Svefnherbergi eru tvö. Þau eru ágætlega búin húsgögnum og öðrum búnaði. Geta 6-8 manns gist í einu í hvoru húsinu um sig.Umhverfið er mjög fallegt og stutt í margar skemmtilegar gönguleiðir. Húsin eru staðsett í u.þ.b. 60 km. fjarlægð frá Höfn í Hornafirði. Ágætis veiðivötn eru í Smyrlabjargarfjalli og eru veiðileyfi seld á bæ á leið til fjallsins. Merking er við veginn. Fluglalíf er mjög fjölskrúðugt í Suðursveit. Næsta sundlaug er í Öræfum 15-20 mín. akstur að Jökulsárlóni. Verslun er að Fagurhólsmýri en þangað er um 50 km. akstur. Hér má sjá staðsetningu bústaðanna á korti.

Klifatangi Suðursveit, Hús nr. 2

Í Suðursveit í Austur Skaftafellssýslu eru tveir bústaðir. Leigutími er yfir sumartímann, þ.e. frá því í byrjun júní fram í september. Húsin eru notaleg, en aðeins komin til ára sinna. Svefnherbergi eru tvö. Þau eru ágætlega búin húsgögnum og öðrum búnaði. Geta 6-8 manns gist í einu í hvoru húsinu um sig.Umhverfið er mjög fallegt og stutt í margar skemmtilegar gönguleiðir. Húsin eru staðsett í u.þ.b. 60 km. fjarlægð frá Höfn í Hornafirði. Ágætis veiðivötn eru í Smyrlabjargarfjalli og eru veiðileyfi seld á bæ á leið til fjallsins. Merking er við veginn. Fluglalíf er mjög fjölskrúðugt í Suðursveit. Næsta sundlaug er í Öræfum 15-20 mín. akstur að Jökulsárlóni. Verslun er að Fagurhólsmýri en þangað er um 50 km. akstur. Hér má sjá staðsetningu bústaðanna á korti.