Í Miðhúsaskógi á félagið alls 26 hús sem leigð eru til félagsmanna allt árið, um helgar og á virkum dögum. Hús 1-4 og 15-20 er gengið í gegnum baðherbergið út í heita pottinn. Í húsum 5-14 er gengið í gegnum stofuna út í pott. Hús nr. 5 hefur aðgengi fyrir fatlaða en að öllu öðru leyti eru þau eins. Hús 21-25 eru 37 fm og eru ætluð fyrir 2-4. Hús nr. 14B er stærra hús, alls 119 fm með svefnpláss fyrir 10 manns. Húsið er sérstaklega hannað fyrir hreyfihamlaða.
Sængur og koddar fylgja en ekki sængurfatnaður. Útvarps- sjónvarps- og dvd tæki eru í húsunum / íbúðunum.
Vaktsími umsjónarmanna 820-1791. OPIÐ mánudaga - fimmtudaga frá kl. 9-17 / Föstudaga frá kl. 10:30-21 / Laugardaga frá kl. 11-16 / LOKAÐ sunnudaga.
Lín
Þvottur & Lín bjóða uppá leigu á líni (rúmföt og handklæði) fyrir orlofshúsa gesti. Hægt er að fá upplýsingar um verð og afhendingu með því að senda póst panta@thvotturoglin.is. Athugið að panta þarf lín með a.m.k. tveggja sólahringa fyrirvara.
Ef ekki er leigt lín þá þurfa orlofsgestir að koma með sitt eigið lín.
Þrif
Þrifafyrirtækið Þvottur & Lín býður orlofsgestum að kaupa þrif. Orlofsgestir panta þrif sjálfir og greiða fyrir þau beint til þjónustuaðila.
Hægt er að fá upplýsingar um verð og panta þrif með því að senda póst á netfangið panta@thvotturoglin.is. Athugið að panta þarf þrif með a.m.k. tveggja sólahringa fyrirvara.
Lykill er í lyklaskáp sem er við innganginn í húsið, lykli er skilað á sama stað.
ATHUGIÐ: Gæludýr eru leyfð í húsum nr. 1, 2, 3, 4, 5, 6, 7, 8, 24 og 25.
Vinsamlega athugið að reykingar eru bannaðar.
Komutími kl. 17:00, brottför kl. 12:00, nema sunnudaga kl. 19:00
Þegar haldið er heimleiðis á ný þarf að gæta þess að ganga vel frá orlofshúsinu. Þvoið borðbúnað, eldhúsáhöld, takið úr uppþvottavélinni, þvoið gólf, gætið þess að gluggar séu vel lokaðir, kæliskápur sé hreinn og í sambandi á lægstu stillingu og að skrúfað sé fyrir allt vatn í vöskum og á baði. Skiljið innihurðir eftir opnar, dragið niður gardínur og læsið útihurð. Gestir eru vinsamlega beðnir um að taka allt sorp með sér og koma því í þar til gerða gáma.