Aðalstræti 8, suðurendi, 400 Ísafjörður

Í húsinu eru tvær íbúðir, orlofsíbúð OVFÍ er í syðri endanum (þ.e. nær höfninni). 

Húsið er á tveimur hæðum og er brattur stigi upp á eftri hæðina. Á neðri hæð er svefnherbergi, eldhús og stofa. Í svefnherbergi eru tvö rúm, 140 cm og 90 cm. Eldhús og stofa eru í sameiginlegu rými. Í eldhúsi eru þvottavél og uppþvottavél og öll helstu tæki og eldhúsáhöld, borðbúnaður er fyrir 12. Svefnsófi er í stofu, sjónvarp, Apple tv og dvd spilari, þar er einnig útgangur út í suðurgarð þar sem er kolagrill og útihúsgögn.

Á efri hæð er baðherbergi með sturtu og svefnherbergi þar sem eru tvö rúm, annað 140 cm og hitt 90 cm. Í orlofsíbúðinni er þráðlaust net.

Svefnpláss er fyrir sex (svefnsófi í stofu ekki talinn með), sængur og koddar eru fyrir sex. 

Á Ísafirði er ýmislegt hægt að gera sér til dægrastyttingar. Bátsferðir eru þaðan á Hornstrandir og í Jökulfirði, dagsferðir á Hesteyri (þar sem myndin Ég man þig eftir sögu Yrsu Sigurðardóttur var tekin upp) og í eyjuna Vigur. Kajakleigur, golfvellir og sundlaugar eru bæði á Ísafirði og í nágrannabæjunum. Auk þess er stutt í marga áhugaverða staði eins og Ósvör, og Bolafjall í Bolungavík, Skálavík,  Raggagarð í Súðavík, Skrúð í Dýrafirði og LitlaBæ í Skötufirði.    

Húsið er alfriðað, byggt árið 1845. 

Athugið að stranglega bannað er framleigja íbúðina til ættingja eða vina. 

Vanræki leigutaki að þrífa vel eftir sig fær hann á sig merkingu í orlofskerfinu og getur því ekki bókað hús á vefnum.

Ef einhverju er ábótavant varðandi umgengni eða viðskilnað fyrri gesta vinsamlegast látið skrifstofu VFÍ vita.