Í húsunum eru 2 svefnherbergi, annað herbergið með einbreiðum kojum og tvíbreiðu rúmi (ein dýna) og hitt herbergið með tvíbreiðu rúmi(ein dýna) og barnarúmi. Svefnpláss er fyrir 6 manns í rúmum og sængur fyrir jafnmarga. Í alrými er stofa, sólstofa, borðkrókur og eldhús. Í eldhúsi er eldavél og ísskápur í fullri stærð, uppþvottavél og allur almennur búnaður til eldunar og borðhalds.Rúmgott baðherbergi með sturtu. Við húsin er rúmgóð verönd með heitum potti og í útigeymslu er gasgrill og útihúsgögn. Nettenging er frá Vodafone og uppl/leiðbeiningar eru í húsinu  Myndlykill er í húsinu og hægt að kaupa tímabundna áskrift að sjónvarpsrásum Stöð 2 og Fjölvarpið, leiðbeiningar eru í húsinu. Óheimilt er að vera með gæludýr í eða við húsið.